पाँच दिनअघि हराएकी युवती धुलिखेलको जंगलमा मृत फेला

काठमाडौं – काभ्रेको बनेपाबाट ५ दिनअघि हराएकी युवती धुलिखेलको जंगलमा मृत भेटिएकी छन् । २५ वर्षीया गीता हुमागाईंको शव धुलिखेल नगरपालिका-११ स्थित फस्कोट जंगलमा भेटिएको हो ।

रुखमा झुण्डिएको अवस्थामा शव फेला परेको जिल्ला प्रहरी कार्यालय काभ्रेका डीएसपी मिन बहादुर घलेले जानकारी दिए । बनेपा नगरपालिका-१३ घर भएकी हुमागाईं मंसिर २३ देखि परिवारको सम्पर्कमा थिइनन् ।

शव पोष्टमार्टमका लागि धुलिखेल अस्पतालमा राखिएको छ । घटनाबारे अनुसन्धान भइरहेको छ ।