समाचार सुन्नुहोस :
काठमाडौँ – बागलुङको जैमिनी नगरपालिका वडा नम्बर ७ मा पिकअप भ्यान दुर्घटना हुँदा चालकसहित पाँच जनाको ज्यान गएको छ। जैमिनी नगरपालिका–८ छिस्तीबाट जिल्ला सदरमुकाम बागलुङ बजारतर्फ आउँदै गरेको पिकअप भ्यान सोमबार बिहान जैमिनी–७ जैदीको व्यार्थला नजिक दुर्घटनामा परेको हो।
ग२च ९२४७ नम्बरको पिकअप भ्यान सडकबाट करीब १०० मिटर तल खसेको थियो। जिल्ला प्रहरी कार्यालय बागलुङका प्रहरी निरीक्षक तथा सूचना अधिकारी केशव थापाका अनुसार, घटनामा मृत्यु भएका व्यक्तिहरूको पहिचान खुल्न बाँकी छ। दुर्घटनामा एक जनालाई भने जीवितै उद्धार गरिएको छ। घटनाको थप विवरण आउन बाँकी रहेको प्रहरीले जनाएको छ।
