असत्यको आयु लामो हुँदैन : प्रधानमन्त्री ओली (भिडिओ)

काठमाडौं – काठमाडौं महानगरपालिकाका मेयर बालेन्द्र शाह ‘बालेन’को समर्थन गरेको देखिने केही मानिसले प्रधानमन्त्री केपी शर्मा ओलीको व्यक्तिगत फेसबुक पेज ‘अनफलो’ गर्न आह्वान गरेपछि दुई तहका सरकारका कार्यकारी प्रमुखबीचको टकराब पुनः एक पटक सार्वजनिक बहसको विषय बनेको छ ।

फलोअर्स घटेपछि प्रधानमन्त्रीले असत्यको आयु लामो नहुने बताए । सामाजिक सञ्जाल फेसबुकमा लेख्दै उनले सत्य बाहेक अरु केहीको पनि आयु लामो नहुने बताएका हुन् ।

उनले एक छिनको प्रशंसामा खुसी र एक छिनको विरोधमा दुःखी हुनुपर्ने आवश्यकता नरहेको बताए । उनले लेखेका छन्, ‘एकछिनको प्रशंसामा खुसी र एकछिनको विरोधमा दुःखी हुनुपर्ने आवश्यकता नै छैन । सत्य बाहेक अरु केहीको पनि आयु लामो हुँदैन ।’