काठमाडौं – नेपालको प्रमुख अन्तर्राष्ट्रिय विकास साझेदार जाइका नेपालको नयाँ प्रमुख प्रतिनिधिका रूपमा मात्सुजाकी मिजुकी आएका छन् । काठमाडौँमा शुक्रबार आयोजित एक समारोहबिच उनलाई नेपालमा स्वागत गरिएको हो ।
स्वागतलगत्तै उनले नेपालसँग आफ्नो पुरानो निकटता रहेको बताए । जाइका नेपालको प्रमुख प्रतिनिधिका रूपमा नेपाल सरकार र नेपाली जनतालाई सहयोग गर्न आतुर रहेको उनले प्रस्ट पारे । उनले भने, ‘नेपालमा रहँदा यहाँको विकास र समृद्धिलाई बढावा दिने जाइकाको उद्देश्य अनुसार विकासको लक्ष्य हासिल गर्न नेपाली जनता र सरकारलाई सहयोग गर्न प्रतिबद्ध रहने छु ।’
यस वर्ष जापानको विकास सहायता विस्तारको ६० औँ वर्षगाँठ मनाइँदै छ । थप विकास प्रयासलाई निरन्तरता दिँदै कोसेढुङ्गामा परिणत गर्ने विश्वास पनि उनले सो क्रममा व्यक्त गरे । फिलिपिन्स, अफ्रिकालगायतका देशको विकास तथा जापानको विभिन्न मन्त्रालयमा समेत लामो अनुभव रहेको उनले आफ्नो अनुभवलाई नेपालमा उपयोग गर्दै दुई देशको सम्बन्धलाई उचाइमा पु¥याउन सघाउने प्रस्ट्याए ।
सो क्रममा नेपालबाट बिदाइ भएर फर्कन लाग्नुभएका निवर्तमान प्रमुख ओकुबो अकिमित्सुले नेपालमा रहँदाको अनुभव साटेका थिए । उनले नेपाल सुन्दर र सांस्कृतिक सम्पदाले भरपूर देश रहेको स्मरण गरे । नेपालमा रहँदाको अनुभवको राम्रा पक्षलाई आफ्नो देशमा लागु गर्न पहल गर्ने ओकुबोको भनाई छ ।
