आयरल्याण्डविरुद्ध टस हारेर नेपाल ब्याटिङमा

काठमाडौँ – आइसिसी विश्वकप छनोटको सातौं स्थानको लागि नेपाल र टेस्ट टोली आयरल्यान्ड भिड्दैछन् । ताकाशिंगा स्पोर्ट्स क्लब हरारेमा आयरल्यान्डले टस जितेर नेपाललाई ब्याटिङको निम्ता दिएको छ ।नेपालले आज आरिफ शेखलाई विश्राम दिँदै कुशल मल्ललाई खेलाएको छ । त्यस्तै तीव्र गतिका बलर प्रतिश जिसीको स्थानमा किशोर महतोलाई मौका दिएको छ ।

नेपालले ओडिआईमा आयरल्यान्डसँग पहिलो पटक खेल्न लागेको हो । पहिलो भेटमै नेपाल आयरल्यान्डलाई हराउन चाहन्छ । यसअघि प्लेअफमा नेपालले युएईलाई तीन विकेटले पराजित गर्दा आयरल्याण्डले अमेरिकालाई ६ विकेटले पराजित गरेको थियो । सुपर सिक्सबाट बाहिरिएका दुबै टोलीबीचको आजको विजेता सातौं र पराजित आठौं स्थानमा रहेर विश्वकप छनोट अन्त्य गर्नेछन् ।