रोनाल्डोको कीर्तिमान गिनिज बुकमा दर्ता

काठमाडौं – क्रिस्टियानो रोनाल्डोको सबैभन्दा बढी अन्तर्राष्ट्रिय खेल खेलेको कीर्तिमान गिनिज वर्ल्ड रेकर्डमा दर्ता भएको छ । गएराती युरोकप छनौट अन्तर्गत पोर्चुगलले आइसल्याण्डविरुद्धको खेलमा खेलेका रोनाल्डोले अन्तर्राष्ट्रिय फुटबलमा २००औँ खेल खेलका हुन् ।

रोनाल्डो विश्वमै पुरुष फुटबलमा सबैभन्दा बढी खेल खेल्ने खेलाडी हुन् । रोनाल्डोको यो रेकर्ड गिनिज वर्ल्ड रेकर्डमा दर्ता गरेर आइसल्याण्डविरुद्धको खेल अघि उनलाई प्रमाण पत्र प्रदान गरिएको थियो । साथै रोनाल्डो आइसल्यान्डविरुद्ध निर्णायक गोल गर्दै पोर्चुगललाई जिताएका थिए ।

अन्तर्राष्ट्रिय खेलमा १२३ गोल गर्दै सबैभन्दा बढी गोल गर्ने कीर्तिमान पनि रोनाल्डोकै नाममा रहेको छ । अन्तर्राष्ट्रिय फुटबलमा रोनाल्डोपछि धेरै खेल खेल्ने रेकर्ड कुवेतका बादेर अल मुतावाको नाममा रहेको छ । मुतावाले १९६ खेल खेलेका छन् ।