बच्चा हुर्काउनु सजिलो काम होइन । पालनपोषणले बच्चाको जीवन सुधार्न पनि सक्छ र बिगार्न पनि सक्छ । हरेक आमाबाबुले आफ्नो बच्चालाई राम्रो मान्छे बनाउन चाहन्छन्, उनीहरुको भविष्य राम्रो होस् भन्ने चाहना राख्छन् । राम्रो पेरेन्टिङको कुरा गर्ने हो भने यसमा बच्चालाई राम्रो संस्कार दिनु, उनीहरुको पोषणको ख्याल राख्नु हो ।
यसमा बच्चाको शारीरिक र मानसिक समस्या बुझ्नु पनि समावेश छ । बच्चाको राम्रो लालनपालनका लागि तपाईं जापानी आमा-बुवाबाट केही टिप्स लिन सक्नुहुन्छ । बच्चाको लालनपालनबारे जापानी तरिका विश्वभर चर्चित छ । आज हामी तपाईंलाई यसैबारे जानकारी दिँदै छौँ ।
१. बच्चाको हरेक प्रश्नको जवाफ दिने
जापानी पेरेन्टिङ तरिका बारेमा कुरा गर्दा, यसबारे सबैभन्दा पहिला कुरा हुनुपर्छ । जापानी आमाबाबुले आफ्ना बच्चाहरूको हरेक प्रश्नको जवाफ दिन्छन् । उनीहरुलाई थाहा छ कि बच्चाको उत्सुकता शान्त पारेपछि मात्रै उनीहरु ती चिजप्रति सामान्य हुनेछन् । सायद यसैकारण जापानमा बच्चा सिर्जनशील र बुद्धिमान हुन्छन् । बच्चाको मनमा उठिरहेका प्रश्नको जवाफ आमाबुवाले दिँदैनन् भने उनीहरुलाई गलत जानकारी पनि सही लाग्न थाल्नेछ । त्यसैले बच्चाका लागि समय निकाल्नुहोस् र उनीहरुको अनगिन्ती प्रश्नको जवाफ धैर्यताका साथ दिनुहोस् ।
२. बच्चालाई आत्मनिर्भर बनाउनु
जापानमा आमाबुवाले बच्चालाई बाल्यकालदेखि नै आत्मनिर्भर बनाउँछन् । उनीहरु बच्चालाई आफ्नो काम आफैँ गर्न सल्लाह दिन्छन् । साथै जापानी आमा–बुवा बच्चालाई खेलमार्फत् नै आर्थिक निर्णय लिन लायक बनाउँछन् । छोरा–छोरीलाई फरक व्यवहार जापानमा कुनै पनि हालतमा गरिँदैन । यहाँ हरेक यौनिकतालाई समान मानिन्छ । जापानमा बच्चालाई एक–अर्काको यौनिकताप्रति सम्मान गर्न सिकाइन्छ ।
३. बच्चाको कुरालाई गोप्य राख्नु
जापानमा आमा–बुवाले आफ्नो बच्चाको कुरालाई यता–उता गएर भन्ने गर्दैनन् । बच्चाले खुलेर आफ्नो मनको कुरा गर्न सक्छन् । बच्चाको सानोभन्दा सानो कुरामा पनि ध्यान दिइन्छ र यसले प्राथमिकता पनि पाउँछ । बच्चाको कुरा, अरुसँग सेयर गर्दा पनि बच्चाको विश्वास तपाईंमाथि रहँदैन । यसो गर्दा बच्चाले आफ्नो कुरा तपाईंलाई भन्न हिच्किचाउँछ ।
४. बच्चाको पौष्टिकतामा ध्यान दिनु
जापान प्रविधि र स्वास्थ्यको मामिलामा विश्वका प्रमुख देशमध्ये एक हो । यसको कारण त्यहाँको खानपान र पोषण हो । आमा–बुवाले बच्चा बेलादेखि नै आफ्नो बच्चाहरुलाई स्वस्थ राख्न प्रोत्साहित गर्छन् । घरमा ती मात्रै खाना पाक्छन् जुन स्वास्थ्यका लागि स्वस्थ छ । यसका साथै जापानी आमाबुवाले बच्चालाई खानाको महत्व, खाने सही तरिका आदिमा पनि ध्यान दिन्छन् । यस्तो बानी बच्चामा सुरुदेखि नै पारिन्छ ।
५. बच्चालाई विश्वासले जोड्नु
जापानमा अपराध दर निकै कम छ । कारण यो हो कि त्यहाँ मानिसहरु एक–अर्कालाई विश्वास गर्छन् । यो बानी पनि लालनपालनको तरिकामा समावेश छ । लालनपालनको जापानी तरिकाको कुरा गर्ने हो भने त्यहाँ आमा–बुवाले बच्चाको विश्वास जित्छन् र उनीहरुलाई विश्वास गर्नु र त्यसको महत्व बुझाउँछन् । यसले बच्चालाई एक राम्रो मानिस बन्न सघाउँछ । गोपनियतालाई पनि जापानमा प्राथमिकता दिइन्छ । त्यहाँ आमा–बुवाले बच्चाको मर्जीको सम्मान गर्छन् र उनीहरुमा आफ्नो भावना थोपर्नबाट जोगिन्छन् ।
जापानी पेरेन्टिङको शैलीको कुरा गर्ने हो भने आमा–बुवा बच्चालाई आत्मनिर्भर बनाउन सिकाउँछन् । उनीहरुको पोषणमा ध्यान दिनुका साथै भावनालाई पनि प्राथमिकतामा राख्छन् ।
