यस्तो छ छक्का पन्जा ४ को ट्रेलर, फागुन १९ देखि प्रदर्शन

काठमाडौं – कलाकार तथा निर्देशक दीपकराज गिरी र दीपाश्री निरौलाको फिल्म छक्का पन्जा ४ को ट्रेलर सार्वजनिक भएको छ । फिल्म फागुन १९ गतेदेखि प्रदर्शन हुँदैछ ।

शुक्रबार फिल्मको ट्रेलर सार्वजनिक भएको हो । सार्वजनिक ट्रेलरमा राजनीतिक परिवेश र समाजलाई प्रस्तुत गरिएको छ । हेमराज विसीले निर्देशन गरेको फिल्ममा दीपकराज गिरी, दीपाश्री निरौला, केदार घिमिरे, निर्मल शर्मा, बुद्धि तामाङ, स्वस्तिमा खड्का, राज आचार्य, सुष्मा निरौला, वेदना राईलगायत कलाकारको अभिनय छ ।

फिल्मको कथा दीपकराज गिरीले तयार पारेका हुन् । नरेन्द्र मैनालीले छायांकन गरेको फिल्मलाई निमेष श्रेष्ठले सम्पादन गरेका हुन् ।