शाहरुख खानको ‘पठान’ आजबाट प्रदर्शनमा

काठमाडौँ – बहुप्रतिक्षित बलिउड चलचित्र ‘पठान’ आजदेखि विश्वव्यापी प्रदर्शनमा आएको छ । शाहरुख खान, दीपिका पादुकोण र जोन अब्राहमको मुख्य भूमिका रहेको चलचित्रले नेपालमा पनि उल्लेख्य शो पाएको छ । मल्टिप्लेक्स चेन क्युएफएक्स, बिग मुभिज, वान सिनेमाज, क्युज सिनेमाज, एफक्युब सिनेमाजले चलचित्रलाई उत्साहजनक शो दिएका छन् ।

प्रदर्शनको पहिलो दिनका धेरै शोजहरु मंगलवार नै ‘सोल्डआउट’ भइसकेका छन् । आदित्य चोपडाको निर्माण, सिद्धार्थ आनन्द निर्देशित चलचित्र एक्सन थ्रिलरजनरामा निर्माण भएको हो । ‘पठान’ शाहरुखको झन्डै चार वर्षपछिको कमब्याक चलचित्र हो ।