विश्वकपले गर्दा ‘भ्वाइस अफ नेपाल’को प्रसारण समय फेरियो

काठमाडौं – यतिबेला फिफा विश्वकप फुटबलमा समूह चरणका अन्तिम खेल भइरहेका छन् । एउटै समयमा दुई खेल प्रत्यक्ष प्रसारण हुने भएपछि यसको प्रभाव टेलिभिजन रियालिटी शो ‘द भ्वाइस अफ नेपाल’को प्रसारण समयमा पनि फेरेको छ ।

एकै समयमा दुई खेल प्रसारण गर्नुपर्ने भएपछि हिमालय टीभी एचडीले पनि विश्वकपका खेल प्रसारण गरिरहेको छ । जसकारण आज (शुक्रबार) प्रसारण हुने ‘द भ्वाइस’को लाइभ शो प्रसारणको समय तालिका परेको छ ।

द भ्वाइस अफ नेपालले शुक्रबार सूचना जारी गर्दै २५ औं एपिसोड साँझ ७ बजेदेखि सुरु हुने जनाएको छ । आजकै एपिसोडदेखि उपाधि विजेता चुन्न भोटिङ पनि सुरु हुँदैछ । शुक्रबारको अन्तिम प्रस्तुतिसम्म भोटिङ लाइन खुला हुने जनाइएको छ । लाइभ शोमा अन्तिम १२ ट्यालेन्टबीच प्रतिस्पर्धा भइहेको छ ।