काठमाडाैं – स्याटलाइटबाट इन्टरनेट सेवा दिने एलन मस्ककाे कम्पनी स्टारलिंकले युक्रेनमा थप नि:शुल्क सेवा दिन नसक्ने बताएकाे छ । मस्कले शुक्रबार यसबारे एक ट्वीट गर्दै जानकारी दिएका हुन् ।
रुस र युक्रेनकाे युद्धकाे कारण हाल युक्रेनमा इन्टरनेट सेवा अवरुद्ध छ । यस्ताे अवस्थामा स्टारलिङ्ककाे नि:शुल्क सेवा युक्रेनी सेनाका लागि सञ्चारको महत्त्वपूर्ण स्रोत रहेकाे छ ।ट्वीटमा थप लेख्दै उनले पहिलेकाे खर्च तिर्नुनपर्ने, तर अबकाे खर्च कम्पनीले धान्न नसक्ने बताएका छन् ।
स्टारलिङ्कले अब युक्रेनमा इन्टरनेट सेवा जारी राख्ने हाे भने पेन्टागन (अमेरिकी सरकार) लाई खर्च सहयाेगका गर्नका लागि पत्र पठाएकाे छ । युक्रेनमा इन्टरनेट सेवा प्रदान गर्दा हालसम्म आठ करोड अमेरिकी डलर खर्च भइसकेकाे उनले ट्वीटमा लेखेका छन् ।
याे अङ्ग्रेजी वर्षकाे अन्त्यसम्ममा १० कराेड अमेरिकी डलर खर्च हुने समेत उनले ट्वीटमा लेखेका छन् । स्टारलिङ्कले फेब्रुअरीदेखि युक्रेनमा स्टारलिङ्ककाे सेवा दिन थालेकाे थियाे ।
