मेलिना राईको नयाँ गीत ‘एकान्तमा’ सार्वजनिक ( भिडियो सहित )

काठमाडौँ – मेलिना राईको स्वरमा ‘एकान्तमा’ बोलको गीत सार्वजनिक भएको छ। दार्जिलिङको मिरिकमा छायांकन भएको गीतको भिडिओमा प्रतिमा लिम्बु र मनेन्द्र गोर्खाले अभिनय देख्न सकिन्छ।

अगम बिकरालको शब्द रहेको गीतमा नु हाङ राईको संगीत र फणिन्द्र राईको एरेञ्ज रहेको छ। भिडिओको निर्देशन पनि संगीतकार राईले नै गरेका हुन्। आपसी मतभेदका कारण श्रीमानले घर छाडेपछि एक्लिएकी युवतीको विरहलाई गीतमा प्रस्तुत गरिएको छ।

गीतकार बिकरालका यसअघि पनि केही म्युजिक भिडिओ सार्वजनिक भइसकेको छ। रोजगारीको सिलसिलामा हाल दक्षिण कोरियमा रहेका उनले करिब एक दर्जन गीत रेकर्ड गराएका छन्। बिकरालको ‘नसम्झिने बाचासँगै’ गीत पनि लोकप्रिय छ।