काठमाडौं – रुसमा फेसबुक, ट्विटर र युट्युबजस्ता सामाजिक सञ्जालमाथि प्रतिबन्धको घोषणा गरिएको छ । रूसी मिडिया नियामकले सामाजिक सञ्जालहरुले रूसी मिडिया र सूचना स्रोतहरू विरुद्ध भेदभाव गरेको भन्दै यसको प्रयोगमा रोक लगाएको घोषणा गरेको हो ।
यस हप्ताको शुरुमा फेसबुकको माउ कम्पनी मेटाले आरटी र स्पुतनिकजस्ता रूसी मिडिया आउटलेटहरूमा पहुँच प्रतिबन्धित गरेको थियो । यता सामाजिक सञ्जालहरुले भने रुसले आफ्नो निर्णयबाट जनतालाई भरपर्दो जानकारीबाट वञ्चित गरेको आरोप लगाएका छन् ।
‘हामीले हाम्रा सेवाहरू पुनर्स्थापना गर्न सक्दो प्रयत्न जारी राख्नेछौं ताकि तिनीहरू सुरक्षित रूपमा आफूलाई अभिव्यक्त गर्न र कार्यको लागि सङ्गठित गर्न मानिसहरूका लागि उपलब्ध होऊन्’ फेसबुकद्वारा जारी विज्ञप्तिमा उल्लेख छ ।
रूसी राज्य सम्बन्धित समाचार स्रोतहरूमा लिङ्क गर्ने ट्वीटहरूको पहुँचलाई व्यवस्थित र सीमित ट्विटरले जनाएको छ । यस हप्ताको शुरुमा, अमेरिकाले मस्कोलाई मिडिया स्वतन्त्रता र सत्यमा पूर्ण आक्रमण बढाएको आरोप लगाएको थियो ।
