टोकियो ओलम्पिकः स्पेन फुटबलको सेमिफाइनलमा

काठमाडाैं – राफा मिरको ह्याट्रिकसँगै स्पेनले आइभोरी कोष्टलाई ५-२ ले हराउँदै पुरुष फुटबलको सेमिफाइनलमा स्थान बनाएको छ । निर्धारित समय २-२ को बराबरीमा सकिएपछि थपिएको ३० मिनेटमा नतिजा आएको हो ।

मिरबाहेक स्पेनका ड्यानिएल ओल्मो र मिकेल ओएर्जाबलले गोल गरे । आइभोरी कोष्टका इरिक ब्याली र म्याक्स-एलेन ग्राडेलले गोल गरे । स्पेनले अब जापान र न्युजिल्यान्डबीचको विजेतासँग प्रतिस्पर्धा गर्नेछ ।