काठमाडाैं – देशभर पछिल्लो २४ घण्टामा थप १ हजार ६०३ जनामा कोरोना संक्रमण भएको छ । स्वास्थ्य तथा जनसंख्या मन्त्रालयका अनुसार थप १ हजार ६०३ जनामा कोरोना संक्रमण पुष्टि भएको हो ।
पछिल्लो २४ घण्टामा गरिएको ८ हजार १३२ नमुनाको परीक्षणबाट १ हजार ६०३ जनामा कोरोना संक्रमण पुष्टि भएको हो । जसमध्ये ४ हजार ८७६ नमुनाको पिसिआर परीक्षण र २ हजार २५६ नमुनाको एन्टिजेन विधिबाट परीक्षण गरिएको थियो ।
यस्तै, पछिल्लो २४ घण्टामा २ हजार ५५२ जना संक्रमित संक्रमणमुक्त भएका छन् । देशभर पछिल्लो २४ घण्टामा थप २७ जना संक्रमितको निधन भएको मन्त्रालयले जनाएको छ ।
