काठमाडौँ – विश्वको सबैभन्दा ठुलो सामाजिक सञ्जाल कम्पनीका सिइओ मार्क जुकरबर्गको सुरक्षामा कम्पानीले करौडौ रुपैयाँ खर्च गरेको बताएको छ ।
फेसबुकले सन् २०२० मा कम्पनीको प्रमुख मार्क जुकरबर्गको सुरक्षामा २.३ करोड अमेरिकी डलर खर्च गरेको छ । यसको जानकारी फेसबुकले नै सेक्युरिटी र एक्सचेन्ज कमिसनलाई दिएको छ ।
सन् २०२० मा मार्क जुकरबर्गको सुरक्षामा २.३ करोड अमेरिकी डलर खर्च भएको छ जसमा उनको घर र निजी सुरक्षा र अतिरिक्त सुरक्षा खर्चमा भएको छ जसमा प्रिट्याक्स अलाउन्स पनि रहेको छ ।
रिपोर्टको अनुसार, जुकरबर्गको सुरक्षामा भएको खर्च विशेष गरी कोरोना प्रोटोकल र अमेरिकी चुनावको क्रममा सुरक्षा कभरेजमा वृद्धि भएको हो ।
यस खर्चलाई कम्पनीले एक बयानमा भनेको छ, “ सिइओमाथि हुने खर्च आवश्यकता र समय अनुसार उचित छ । जुकरबर्ग वार्षिक परिश्रीमिकको रूपमा केवल १ डलर लिन्छन् । उनलाई कुनै बोनस, इक्विटी पुरस्कार वा अन्य भत्ता मिल्दैन ।”
हालै फेसबुकको ५३३ मिलियन मतलब ५३.३० करोड प्रयोगकर्ताको निजी जानकारी ह्याकरले लिक गरेको रिपोर्ट सार्वजनिक भएको थियो ।
उक्त डाटा लिकमा करिब १०६ देशको प्रयोगकर्ता रहेका छन् । यो फेसबुकको इतिहासमा सबैभन्दा ठुलो डाटा लिक हो । सबै डाटा अनलाइन र निःशुल्क उपलब्ध गराइएको थियो ।
उक्त डाटा लिकमा १०६ देशको प्रयोगकर्ता छन् जसमा ३२ मिलियन डाटा अमेरिकी प्रयोगकर्ताको, ११ मिलियन बेलायती प्रयोगकर्ताको र ६ मिलियन भारतीय प्रयोगकर्ताको डाटा रहेको छ ।
लिक भएको डाटामा फेसबुक प्रयोगकर्ताको जन्म मिति, पुरा नाम, बायो, लोकेसन, इमेल आदि रहेको छ । थुप्रै प्रयोगकर्ताको फोन नम्बर पनि लिक भएको छ ।
