टोकियो – कोरोना भाइरसविरुद्ध प्रभावकारी हुने अपेक्षा गरिएको अमेरिकी कम्पनी मोडर्नाले जापानमा आफ्नो भ्याक्सिनको क्लिनिकल परीक्षण आजदेखि सुरु गरेको घोषणा गरेको छ ।
कम्पनीले २० वर्ष माथिका २०० जना जापानीहरुलाई मोडर्ना खोप प्रयोग गर्ने र यसको प्रभावकारिता र सुरक्षाबारे समीक्षा गर्ने बताएको छ
। परीक्षण पछि कम्पनीले जापान स्वास्थ्य, श्रम र कल्याण मन्त्रालयमा स्वीकृतिका लागि आवेदन दिनेछ ।
जापान सरकारले अमेरिकी बायोटेक फर्म मोडर्नाबाट दुई करोड मानिसको लागि पुग्ने खोप ल्याउने सहमति गरेको छ ।
अमेरिकाको खाद्य तथा औषधीसम्बन्धी प्रशासनिक निकाय (एफडीए)ले मोडर्नाको खोप ९४ प्रतिशत सुरक्षित भएको जनाएको छ ।
विभिन्न देशमा अहिले कोरोना भाइरसविरुद्धको भ्याक्सिन लगाउन थालिएको छ । अहिलेसम्म मोडर्ना, फाइजर, एस्ट्राजेनेका भ्याक्सिनले आपत्कालीन अवस्थामा प्रयोग गर्ने अनुमति पाइसकेका छन् ।
