टोकियो – बुधबार बेलुकी १० बजे सम्ममा जापानमा ५८७१ जना नयाँ संक्रमित थपिएका छन् । योसँगै जापानमा कोरोना भाइरसबाट संक्रमित भएकाहरुको संख्या तीन लाखभन्दा बढी पुगेको छ । जापानमा हालसम्म ३०४,७५२ जना कोरोनाभाइरसबाट संक्रमित भएका छन् ।
यस्तै बुधबार जापानमा ९७ जना संक्रमितको निधन भएको छ । योसँगै जापानमा कोरोनाका कारण अहिलेसम्म ४२८९ जनाको मृत्यु भएको छ भने उपचाररत ९०० जना संक्रमितको अवस्था गम्भीर रहेको छ ।
