लिभरपुल एफए कपको चौथो चरणमा

काठमाडौं –  लिभरपुल एफए कप फुटबलको चौथो चरण प्रवेश गरेको छ ।

शुक्रबार राति भएको खेलमा एस्टन भिल्लालाई ४-१ ले पराजित गर्दै लिभरपुल चौथो चरणमा पुगेको हो ।

युथ टिम मैदान उतारेको एस्टनविरुद्ध लिभरपुलले सुरुवातबाटै पकड जमाएको थियो ।

खेलको चौंथो मिनेटमा साडियो मानेले गोल गर्दै लिभरपुललाई १-० को अग्रता दिलाए । खेलको ४१औँ मिनेटमा एस्टनका बारीले गोल गर्दै खेल १-१ को बराबरीमा ल्याए ।

खेलको ६०औँ मिनेटमा जर्जियानो विज्ननाल्डमले गोल गर्दै लिभरपुललाई २-१ को अग्रता दिलाए । त्यसको तीन मिनेटपछि मानेले व्यक्तिगत दोस्रो गोल गर्दा लिभरपुल ३-१ को अग्रता दिलाए ।

६५औँ मिनेटमा मोहमद सलाहले गोल गर्दै लिभरपुललाई ४-१ को जित दिलाए ।