जापानको निक्केई सूचक ३० वर्ष यताकै उच्च

टोकियो – जापानको शेयर ३० वर्ष यताकै उच्च स्तरमा पुगेसँगै एशियाली शेयर बजारमा पनि उछाल देखिएको छ।

लामो समयदेखि प्रतीक्षा गरिएको अमेरिकी महामारी राहत प्याकेजको विस्तार र ब्रेक्जिट व्यापार सम्झौताले लगानीकर्ताहरुको जोखिमलाई कम गर्ने अपेक्षाले शेयर बजारको बढोत्तरीलाई समर्थन गरेको हो।

मंगलबार जापानको निक्केई सूचक १.६३ प्रतिशतले बढेर सन् १९९० अगस्टयताकै उच्च स्तरमा पुगेको हाे।

यसैगरी, जापान बाहिरको एशिया–प्यासिफिक शेयर ०.४६ प्रतिशतले बढेको छ। जबकि अस्ट्रेलियन शेयर ०.५५ प्रतिशतले बढेको छ भने चीनको शेयरमा ०.१ प्रतिशतको बढोत्तरी देखिएको छ।

एसएण्डपी ५०० को फ्यूचर्स ०.३२ प्रतिशतले बढेको छ।