युभेन्टसको सानदार जित, रोनाल्डोको दुई गोल

काठमाडौं –  स्टार फुटबलर क्रिष्टियानो रोनाल्डोकाृ दुई गोलको मद्दतमा युभेन्टसले शानदार जित  हात पारेको हो । इटालियन सिरी ए अन्तर्गतको शनिबार राति भएको खेलमा युभेन्टसले पार्मामाथि ४–० को जित निकालेको हो ।

पार्माको घरेलु मैदानमा भएको खेलमा रोनाल्डोका अलवा कुलुसेभ्स्की र अल्भारो मोराटाले एक–एक गोल गरे । कुलुसेभ्स्कीले खेलको २३औँ मिनेटमा गोल गरी युभेन्टसलाई सुरुवाती अग्रता दिलाएका थिए । रोनाल्डोले २६ र ४८ औँ मिनेटमा गोल गरे भने मोराटाले ८५औँ मिनेटमा गोल गरे ।

यो जितसँगै  १३ खेलबाट २७ अंक बनाएको युभेन्टसले अंक तालिकाको तेस्रो स्थानमा छ ।  एसी मिलान २८ अंकसहित शीर्ष स्थानमा छ । २७ अंक नै रहेको इन्टर मिलान गोल अन्तरमा युभेन्टसलाई उछिन्दै दोस्रो स्थानमा छ  । दुवै मिलानले युभेन्टस भन्दा एक खेल कम १२ खेल खेलेका छन् ।