मेस्सीले पेलेको दुर्लभ रेकर्ड बराबरी गरे

काठमाडौं – अर्जेन्टाइन सुपरस्टार लिओनल मेस्सीले ब्राजिलियन लेजेण्ड पेलेले बनाएको एकै क्लबका लागि सर्वाधिक गोलको कीर्तिमान बराबरी गरेका छन् । शनिबार भ्यालेन्सियाबिरुद्ध बार्सिलोनाका लागि करियरको ६४३ औँ गोल गर्दै मेस्सीले सो कीर्तिमान बनाएका हुन् ।

पेलेले ब्राजिलियन क्लब सान्तोषमा १८ वर्ष बिताउँदै ६५६ खेलमा ६४३ गोल गर्न सफल भएका थिए । पेलेले आफ्नो करियरमा १ हजारभन्दा बढी गोल गरेको मानिन्छ ।

यता, मेस्सीले कयौँ कीर्तिमान बनाएका छन् भने बार्सिलोनाका लागि १० लिग उपाधि, ४ च्याम्पियन्स लिग उपाधिसहित ३४ मुख्य उपाधि जितेका छन् । उनले सर्वाधिक ६ वटा बालोन डि ओरको उपाधि पनि जितेका छन् ।