एथ्लेटिकमाथि रियल मड्रिडको जित : एक गोल उपहार

काठमाडौं – शनिबार राति भएको स्पेनिस ला लिगा फुटबल अन्तर्गतको खेलमा रियल मड्रिडले  जित दर्ता गरेको  छ । रियल मड्रिडले पाहुना टोली एथ्लेटिको मड्रिडमाथि २-० को जित दर्ता गरेको हो ।

खेलको सुरुवात अर्थात् १५ मिनेटमा कासेमिरोको गोलमा रियल मड्रिडले अग्रता लिएको थियो । पहिलो हाफ १-० को अग्रता लिएको रियलले दोस्रो हाफमा थप एक गोल उपहार पायो ।

खेलको ६३ औं मिनेटमा एथ्लेटिकोका ओब्लकले आत्मघाती गोल गरेसँगै रियलले २-० को अग्रता बनायो । त्यसपछि दुवैतर्फबाट गोल हुन नसक्दा रियलले २-०को जित दर्ता गरेको हो ।

यो जितसँगै रियल १२ खेलबाट २३ अंकसहित तेस्रो स्थानमा पुगेको छ । ११ खेलमै २६ अंक बनाउको एथ्लेटिको पराजित भए पनि शीर्ष स्थामा कायम छ ।