काठमाडौँ – इण्डियन प्रिमियर लिग अन्तर्गत समुह चरणका खेलहरु सकिएका छन् ।
योसँगै प्लेअफमा पुग्ने चार टिमको टुंगो लागेको छ । गएराती सनराइजर्स हैदरावादले मुम्बई इण्डियन्सलाई १० विकेटले पराजित गरेसँगै हैदरावाद प्लेअफमा पुगेको छ ।
मुम्बईले दिएको १५० रनको लक्ष्य पछाएको हैदरावादले १७.१ ओभरमा बिना कुनै विकेट गुमाएर लक्ष्य पुरा गरेको थियो । मुम्बईमाथि १० विकेटको जित हासिल गर्दै सनराइजर्स हैदरावाद तेस्रो हुदै प्लेअफमा पुगेको हो ।
समग्रमा समुह चरणमा मुम्बई इण्डियन्सले १४ खेलमा ९ जितका साथ पहिलो भयो भने दिल्ली क्यापिटल्स १४ खेलमा ८ जितका साथ १६ अंकसहित दोस्रो भएको छ । त्यस्तै सनराइजर्स हैदरावादको ७ जितपछि १४ अंकसहित तेस्रो र रोयल च्यालेन्जर्स बैंगलोरको ७ जितपछि १४ अंकसहित चौथो भएको छ ।
यो सँगै कोलकोता नाइटराइडर्सको यस सिजनको आइपिएल यात्रा समाप्त भएको छ । हैदरावादले मुम्बईसँग हारेको भए मात्र कोलकोताको प्लेअफ यात्रा सुनिस्चित हुने अवस्था रहेकोमा हैदरावादले जितेसँगै समाप्त भएको हो । कोलकोताको पनि ७ जितपछि १४ अंक रहेको थियो तर रनरेटका कारण कोलकोता प्लेअफ खेल्न सकेन ।
