काठमाडौँ – भारतीय व्यापारी मुकेश अम्बानीले कोरोनाकालमा पनि आफ्नो आम्दानी तिब्र रुपमा बढाएको रिपोर्ट सार्बजनिक भएको छ । रिलायन्स इन्डष्ट्रीजका चेयरमेन अम्बानीले लकडाउनको अवधिमा पनि एक घण्टामा ९० करोड भारतीय रुपैयाको कमाई गरेको रिपोर्ट प्रकाशित भएको छ ।
हुरुनले गरेक बर्ष जारी गर्ने इण्डिया रिच लिष्टमा अम्बानी लगातार नवौ बर्ष शीर्ष स्थानमा रहेका छन् । रिपोर्टका अनुसार अम्बानीको यस बर्षको कुल आम्दानि ६, ५८, ४०० करोड भारतीय रुपैया रहेको छ । यस रिपोर्ट अनुसार अम्बानी एशियाका सबै भन्दा धनि र विश्वका चौथो धनि व्यक्ति बनेका छन् । पछिल्लो बर्षको तुलनामा अम्बानीको ७३ प्रतिशत सम्पति बढेको देखिएको छ ।
अगस्त ३१ २०२० सम्म एक हजार करोड भन्दा बढी सम्पति भएका ८२८ भारतीय लिष्ट जारी गर्दा अम्बानी शिर्ष स्थानमा रहेका हुन् । यस हिसाबले अम्बानीको एक घण्टाको कमाई ९० करोड रहेको देखिएको छ ।
त्यस्तै यस सुचीमा दोस्रो स्थानमा लण्डनमा रहने हिन्दुजा ब्रदर्स रहेका छन् । उनको आय १,४३, ७०० करोड रहेको छ । त्यस्तै तेस्रो स्थानमा एचसीएलका सस्थापक शिव नाडर रहेका छन् । उनीसँग १, ४१,७०० करोड रुपैया बराबरको सम्पति रहेको बताइएको छ । त्यस्तै चौथो स्थानमा अदानी र उनको परिवार रहेको छ भने विप्रोका अजिज प्रेमजी पाँचौ स्थानमा रहेका छन् ।
