होम आइसोलेसनबाटै मन्त्रालय चलाउँदै स्वास्थ्यमन्त्री ढकाल

काठमाडौं – थप एक पारिवारिक सदस्यलाई कोरोना पुष्टि भएपछि स्वास्थ्य तथा जनसंख्यामन्त्री भानुभक्त ढकाल पुनः होम आइसोलेसनमा बसेका छन् । परिवारका थप एक सदस्यमा कोरोना संक्रमण पुष्टि भएसँगै ढकाल आइतबारैदेखि होम आइसोलेसनमा बसेका हुन् ।

मन्त्री ढकाल यसअघि पनि पारिवारिक सदस्यलाई कोरोना भएका कारण होम आइसोलेसनमा बसेका थिए । मन्त्रीनिकट स्रोतका अनुसार उनको मंगलबार या बुधबार स्वाब संकलन गरेर पिसिआर परीक्षण गर्ने तयारी छ । एक महिनाअघिको परीक्षणमा उनको नतिजा नेगेटिभ आएको थियो ।

मन्त्री ढकालले अहिले क्वार्टरबाटै मन्त्रालयका काम गरिरहेका छन् । मन्त्रलयसँग सम्बन्धित आवश्यक निर्देशन उनले घरबाटै दिइरहेका छन् ।