ओसाका र अजारेन्का कस्ले हत्याउला यूएस ओपन उपाधि ?

काठमाडौं – यूएस ओपन टेनिसको महिलातर्फ आज राति हुने फाइनलमा जापानकी ओसाका नाओमी र बेलारुसकी भिक्टोरिया अजारेन्काबीच प्रतिस्पर्धा हुनेछ । दुवै पूर्व विश्व नम्बर वरीयता भएका खेलाडी हुन् ।

यी दुई खेलाडी यूएस ओपन सुरु हुनु अगाडि आयोजित वेस्ट तथा साउथर्न ओपनको फाइनलमा पुगेका थिए । तर ओसाकाले ह्यामस्ट्रिङ चोटका कारण खेल त्यागेकी थिइन् ।

ओसाकाले २०१८ मा यूएस ओपन र २०१९ मा अस्टेलियन ओपन जितेकी थिइन् । अजारेन्काले भने अस्ट्रियन ओपन सन् २०१२ र २०१३ मा जितेकी थिइन् । ती दुवै वर्ष उनी यूएस ओपनको फाइनलसम्म पुगेकी थिइन् ।

अजारेन्का सेमिफाइनलमा अमेरिकी स्टार सेरेना विलियम्सलाई हराएर उपाधि नजिक पुगेकी हुन् । महिला डबल्सतर्फ लाउरा सिगमन्ड र भेरा जेभोनेरेभाको जोडीले उपाधि जितेको छ ।