टोकियो – जापानमा हिजो शनिबार ९२ जना नयाँ संक्रमित थपिएका छन् ।
पछिल्लो तथ्यांकअनुसार जापानमा ‘कोविड १९’ का संक्रमितहरुको संख्या १९ हजार १२१ जना र संक्रमणबाट ज्यान जानेको संख्या ९८५ (डाइमण्ड प्रिन्सेस क्रुज पानीजहाजका यात्रुहरुसहित) पुगेको छ ।
यसैबीच जापानमा १७ हजार १२० जना निको भएर घर फर्किएका बताइएको छ ।
स्वास्थ्य मन्त्रालयका अनुसार संक्रमित व्यक्तिहरु मध्ये ५९ जनाको अवस्था नाजुक छ ।
हिजो टोकियोमा ५७ जना थपिएपछि टोकियोमा मात्र संक्रमितहरुको संख्या ६ हजार ५४ जना पुगेको छ ।
त्यस्तै हिजो साइतामामा ११ जना, चिवामा ५ जना, खानागावामा ४ जना, क्योटोमा ४ जना, तोचिगीमा ३ जना, ओसाकामा २ जना, होक्काईदोमा १ जना, फुकुओकामा १ जना र एयरपोर्ट क्वारेन्टाइनमा ४ जनामा संक्रमण देखिएको छ ।
त्यसैगरी हिजो कोरोना भाइरसको संक्रमणले होक्काईदोमा एक जना सक्रमितको निधन भएको छ ।
