काठमाडौं – नेपालमा थप ३८० जनामा कोरोना भाइरसको संक्रमण पुष्टि भएको छ । विभिन्न प्रयोगशालामा गरिएको परीक्षणमा थप ३८० जनामा कोरोनाको संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए ।
योसँगै नेपालमा कोरोना संक्रमितको संख्या ६५९१ पुगेको छ । हालसम्म कोरोना संक्रमणबाट १९ जनाको मृत्यु भएको छ । पछिल्लो २४ घण्टामा देशको विभिन्न अस्पतालबाट ११७ जना कोरोनामुक्त भई डिस्चार्ज भएका छन् ।
