चर्चित जापानी महिला रेस्लर हाना किमुराको मृत्यु

काठमाडौँ – जापानकी व्यवसायिक महिला कुस्ती (रेस्लर) खेलाडी हाना किमुराको निधन भएको छ ।

किमुरा नेटफ्लिक्सको  चर्चित रियलिटी शो “टेरेस हाउस”को एक चर्चित पात्रको रुपमा प्रख्यात छिन्।

तीनजना पुरुष र किमुरासहित तीन महिला सम्मिलित उक्त शो कोरोना भाइरस सङ्क्रमणको जोखिमकाबीच केही दिनअघि मात्रै स्थगित गरिएको थियो ।

किमुरा आबद्ध संगठन स्टारडम रेस्लिङले किमुराको निधनको पुष्टि गर्दै प्रशंसकलाई आदरपूर्वक प्रस्तुत हुन आग्रह गरेको छ ।

उनको मृत्युको कारण भने अझै स्पष्ट भइसकेको छैन् ।

मृत्यु हुनुभन्दा केही अघि मात्रै किमुराले सामाजिक सञ्जालमा आफूमाथि श्रृङ्खलाबद्ध रुपमा आक्रमण भएको उल्लेख गरेकी थिइन्।

२२ वर्षीया किमुराकी आमा क्योको किमुरा पनि चर्चित कुस्ती खेलाडी थिइन् ।