आगामी जुनबाट क्रिकेट सुचारु गर्ने तयारीमा श्रीलंका

काठमाडौं । श्रीलंकाले आगामी जुन महिनाबाट क्रिकेट सुचारु गर्ने तयारी गरेको छ । श्रीलंकाका प्रशिक्षक मिक्की आर्थरले जुन महिनाबाट श्रीलंकाको क्रिकेट टिमले अभ्यास सुरु गर्न लागेको बताएका हुन्।

प्रशिक्षक आर्थरका अनुसार श्रीलंका सरकार र स्वास्थ्य मन्त्रालयले समेत अभ्यास सुचारु गर्न अनुमति दिएको छ ।

कोरोना महामारीका कारण संसारभरका क्रिकेट खेलहरु प्रभावित भइरहेका छन् । भारतमा आयोजित हुने चर्चित आइपिएल पनि अहिले प्रभावित छ ।

कतिपय फुटबल लिगहरु सुरु भए पनि खेलाडीहरुले दर्शकबिना खेल्नुको कुनै मजा र अर्थ नहुने प्रतिक्रिया दिन थालेका छन् ।