काठमाडौं – कांग्रेस केन्द्रीय सदस्य तथा सांसद गगन थापाले सत्तारुढ नेकपाभित्र कुरा नमिल्दा संघीय संसद अन्तर्गतको प्रतिनिधिसभालाई बन्धक बनाइएको आरोप लगाएका छन् ।
प्रतिनिधिसभा बैठक तेस्रो पटक सूचना टाँसेर ८ दिनका लागि स्थगित गरिएपछि थापाले सामाजिक सञ्जाल ट्वीटरमा दलीय बेमेलको बन्धक संसदलाई बनाउनु निन्दनीय भएको उल्लेख गरेका छन् । थापाले उपसभामुख शिवमाया तुम्बाहाङ्फेलाई नियमानुसार सदनको प्रक्रिया अगाडी बढाउन आग्रह गरेका छन् ।
‘नेकपाभित्रको स्वार्थको बेमेलको बन्धक संसदलाई बनाउनु निन्दनीय छ । यो संसदीय अभ्यास र गरिमाको मात्र होइन संविधानले प्रवन्ध गरेको शक्ति सन्तुलन र नियन्त्रणको समेत खिलापमा छ,’ थापाले ट्वीटरमा भनेका छन्, ‘उपसभामुखज्यू,संसद कुनै दलको छाया होइन,तपाईं संसदको उपसभामुख हो, नियमानुसार सदनको प्रकृया अगाडी बढाइयोस् ।’
नेकपाभित्रको स्वार्थको वेमेलको बन्धक संसदलाई बनाउनु निन्दनीय छ।यो संसदीय अभ्यास र गरिमाको मात्र होइन संविधानले प्रवन्ध गरेको शक्ति सन्तुलन र नियन्त्रणको समेत खिलापमा छ। उपसभामुखज्यू,संसद कुनै दलको छायाँ होइन,तपाईं संसदको उपसभामुख हो,नियमानुसार सदनको प्रकृया अगाडी बढाइयोस्।
— Gagan Thapa (@thapagk) January 12, 2020
