एउटा जंगलमा बाघ सुतिरहेको थियो अचानक एउटा मुसा बाघलाइ निदाएको देखेर उसैमाथि चढेर खेल्न थाल्यो । मुसाको खेलाईले बाघको निद्रा खुल्यो र बिउझिए पछि मुसालाइ समात्यो, मुसा एकदमै डरायो र थरथर काँप्न थाल्यो र बाघसंग भन्यो हे जंगलका महाराजा मलाइ माफ गरिदेउ अब आइन्दा यस्तो हर्कत गर्ने छैन बरु हजुरलाई कुनै समस्या पर्दा सहयोग गर्नेछु मुसाको यस्तो कुरा सुनेर बाघ जोरसंग हाँस्दै भन्यो म यति शक्तिशाली छु कि मलाइ कसैको सहयोगको खाँचो पर्दैन अझै तँ यति सानो मुसाले मलाई के नै सहयोग गर्न सक्छस र ? भनि मुसाको मजाक उडायो र मुसालाई छोडि दियो ।
त्यसको केहि दिन पछि बाघ शिकारीको जालमा फस्यो धेरै कोशिस गर्दा पनि जालबाट निस्किन सकेन । बाघको यो अवस्था टाढाबाट मुसाले हेरिरहेको थियो उसलाई पुरानो कुरा याद आयो र बाघको सामुन्ने आएर आफ्नो दांतले जाल काटिदियो र बाघलाई बाहिर निस्किन सफल बनायो यो प्रकारले मुसाले आफ्नो ज्यानको बदलामा बाघको ज्यान बचाएर पुरानो गुण चुक्ता गरयो । तसर्थ कहिल्यै पनि कसैलाई सानो सम्झेर घृणा अपमानित र हेपाइ प्रवृति राख्नुहुदैन किनकि समस्या जसलाई जति बेला पनि पर्न सक्छ र सहयोगको खाँचो पर्न सक्छ । ***
गैंडाकोट, नवलपरासी
हाल – काठमाण्डौ
