काठमाडाैं – १३ औं दक्षिण एसियाली खेलकुद साग अन्तर्गत महिला टिम पुम्सेमा नेपालले अर्को स्वर्ण पदक जितेको छ । यो सँगै तेक्वान्दोमा नेपालको स्वर्ण पदक संख्या ७ पुगेको छ भने पूरा स्वर्ण १५ पुगेको छ ।
२३ देखि २९ वर्षसम्मको समूहमा निता गुरुङ, प्रशंसा क्षेत्री र शुसिला राईको टोलीले श्रीलंकालाई पछि पार्दै स्वर्ण पदक प्राप्त गरेको हो । नेपाली टोलीले ७.९२० स्कोर गर्दा श्रीलंकाको टोलीले ७.८१० र कास्य पदक विजेता पाकिस्तानको ७.५२० स्कोर प्राप्त गरेको थियो ।
सोमबार तेक्वान्दोमा १३ फाइनल भएका थिए। जहाँ नेपालले ७ स्वर्ण, एक रजत र एक कास्य हात पार्यो ।
(हालसम्म नेपालले जितेको स्वर्ण)
तेक्वान्दोः
-पुरुष एकल पुम्से (२३-२९ वर्ष): कमल श्रेष्ठ
-महिला एकल पुम्से (१७-२३ वर्ष): सिना मादेन लिम्बु
-महिला पुम्से (२३–२९ वर्ष): पार्वती गुरुङ
-महिला एकल पुम्से (२९ वर्षमाथि): आयशा शाक्य
-पुम्से जोडीः आयशा शाक्य र सञ्जिव कुमार ओझा
-महिला पुम्से टिम: निशा दर्नाल, स्वस्तिका तामाङ र संजिला तिमल्सिना (१७ देखि २३ वर्षसम्मको समूह)
-महिला पुम्से टिम: निता गुरुङ, प्रशंसा क्षेत्री र शुसिला राई (२३ देखि २९ वर्षसम्मको समूह)
कराँतेः
-एकल काताः मन्डेकाजी श्रेष्ठ
-महिला टिम काता
-पुरुष टिम काता
-पुरुष कुमुते ५५ केजीः लक्ष्मण तामाङ
-पुरुष कुमुते ८४ केजीमाथिः विप्लवलाल श्रेष्ठ
-महिला कुमुते ४५ केजीमाथिः कुशुम खड्का
-कुमुते महिला ५० केजीमुनि: अनु अधिकारी
ट्रायथ्लनः
-ट्राइथ्लन महिलाः सोनिका गुरुङ
