साग महिला भलिबल : समूह उपविजेता बन्दै नेपाल सेमिफाइनलमा

काठमाडौं – नेपाल समूह उपविजेता बन्दै १३ औं दक्षिण एसियाली खेलकुद प्रतियोगिता अन्तर्गत महिला भलिबलको सेमिफाइनल प्रवेश गरेको छ ।

त्रिपुरेश्वरस्थित राखेपको कभर्ड हलमा शुक्रबार भएको समूह चरणको अन्तिम खेलमा भारतले बंगलादेशलाई ३-० को सोझो सेटमा पराजित गरेपछि नेपाल समूह उपविजेताका रुपमा सेमिफाइनल प्रवेश गरेको हो । जितसँगै भारत समूह ‘ए’ को विजेता बन्दै सेमिफाइनल पुगेको छ । भारतले बिहीबार भएको खेलमा नेपाललाई ३-० को सोझो सेटमा पराजित गरेको थियो ।

समूह चरणमा नेपालले बंगलादेशलाई ३-० को सोझो सेट पराजित गरेको थियो । समूह चरणको दुवै खेल गुमाएको बंगलादेश भने समूह चरणबाट बाहिरिएको छ । अब नेपालले सेमिफाइनलमा समूह ‘बी’ मा रहेका श्रीलंका र माल्दिभ्सबीचको  विजेतासँग प्रतिस्पर्धा गर्नेछ ।