काठमाडाैं – साहित्यकार बाबुकाजी कसपालको जीवनीमा आधारित पुस्तक ‘कृपा’ र उनको १२ वर्षीय नाती अधिश्री कसपालको गीति एल्बम ‘सुवासमा अधिश्री’ बिमोचन भएको छ ।
विमोचन कार्यक्रममा गीतकार चेतन कार्कीले कुनै पनि देशको गौरव त्यो देशको भाषा, संस्कृति र कलाको संबृद्धिमा भर पर्ने बताउँदै भाषा, संस्कृति र कलाको भक्त भएको कारण भक्तपुरको नाम भक्तपुर रहन गएको चर्चा गरे । यस्तै, पूर्व न्यायाधिवक्ता डा युवराज संग्रौलाले बिमोचित पुस्तक ‘कृपा’ का लेखक बाबुकाजी कसपालको शरीरबाट नेपालको गन्ध आउने बताए ।
७०० वर्ष अगाडिको कला र संस्कृतिले अर्थ राख्दा दुइ-ढाइ सय वर्षको ईतिहास बोकेको राजनीतिले अर्थ राख्न नसकेको डा संग्रौलाले चर्चा गरे । कार्यक्रममा बिमोचित एल्बमका अधिश्री र उनकी दिदी सर्वश्रीले गीत गाएका थिए । बिमोचित एल्बमको गीत ‘कोही हुन्छन’ गीतको द्रिस्यांशमा वरिष्ठ नायक सरोज खनालले भूमिका निर्बाह गरेका छन् । एल्बमको समिक्षा वरिष्ठ संगीतकार राजु सिंले गरेका थिए ।
