हामी माउण्ट फुजी हौं
अटल रहिरहन्छौं
हामी लावा हौं
सधैं जलीरहन्छौं ।
फुजी एकदिन पुत्ताउने छ
धुँवाको मुस्लो आकाशमा मडारिनेछ
लावा सर्वत्र फैलीने छ
लावासंगै झारपातहरु जलिरहनेछन् ।
उनीहरुको रोधन र क्रनधन
छट्पटी र चित्कार
धुवासंगै बिलाउने छ
फुजी उनीहरुलाई हेरेर मुस्कुराउने छ ।
फुजी लावाको मुहान हो चड्न नखोज
त्यहाँ बरफ देखेर खेल्न नखोज
फुजी कुनै दिन पुत्ताउदै गर्जीन सक्छ
धुँवाको मुस्लोसंगै लावा ओकल्न सक्छ ।।
