साहित्यकार अमर न्यौपाने दोस्रोपटक विवाह बन्धनमा

काठमाडाैं – साहित्यकार अमर न्यौपाने दोस्रोपटक विवाह बन्धनमा बाँधिएका छन् । उनले लेखिका प्रतीक्षा कट्टेलसँग बुधबार दोस्रो विवाह गरेका हुन् ।

‘सेतो धर्ती’, ‘करोडौँ कस्तुरी’, ‘पानीको घाम’, जस्ता चर्चित कृतिमार्फत नेपाली साहित्यमा आफूलाई अब्बल साबित गरेका न्यौपानेले नाट्य क्षेत्रमा आफ्नो पहिचान स्थापित गरिरहेकी कट्टेलसँग लगनगाँठो कसे ।

कट्टेलको नाटक ‘क्लेशा’ अहिले मण्डल थिएटरमा मञ्चन भइरहेको छ । प्रतिक्षासँग अमरको यो दोस्रो विवाह हो । १५ वर्षअघि सरस्वती भण्डारीसँग न्यौपानेले पहिलो विवाहा गरेका थिए । उनको सम्बन्ध धेरै टिक्न सकेन ।

त्यसपछि उनीहरूले २०७४ फागुन १३ मा कानुनी रुपमै सम्बन्धबिच्छेद गरेका थिए ।