काठमाडाैं – पाल्पाको विकासमा योगदान पुर्याउने जापानी समाजसेवी काजुमास काकीमी (ओके बाजे) को नागरिक अभिनन्दन कार्यक्रमको खर्च सार्वजनिक गरिएको छ ।
पत्रकार सम्मेलन गरी नागरिक अभिनन्दनका लागि सङ्कलित रकमको खर्च विवरण सार्वजनिक गरिएको नागरिक अभिनन्दन मूल समितिका संयोजक सुन्दर श्रेष्ठले जानकारी दिनुभयो ।
समितिले अभिनन्दनका लागि दुई लाख ३३ हजार सङ्कलन गरेको थियो, जसअन्तर्गत दुई लाख १४ हजार अभिनन्दन कार्यक्रममा खर्च भएको संयोजक सुन्दरप्रसाद श्रेष्ठले बताउनुभयो ।
अभिनन्दन कार्यक्रमबाट १९ हजार बचत भएको र बचत रकम जापानी समाजसेवी ओकेबाजेलाई नै हस्तान्तरण गरिने संयोजक श्रेष्ठले बताउनुभयो । जापानी नागरिक ओके बाजेलाई यही फागुन ३० गते तानसेनको टुँडिखेलमा नागरिक अभिनन्दन गरिएको थियो ।
