तेस्रो लिंगी भूमिका श्रेष्ठको आत्मकथा बिमोचन

काठमाडाैं – तेस्रो लिंगी भूमिका श्रेष्ठकोे पहिलो आत्मकथा ‘भूमिका’ राजधानीको कुन्ज थिएटरमा लोकार्पण भएको छ । कलाकार रमेश उप्रेती, नायिका रेखा थापा, पूर्व मिस नेपाल मल्भिका सुब्बाले एक समारोहबीच पुस्तकको विमोचन गर्नुभयाे ।

कार्यक्रममा बोल्दै लेखन कुन्जका अध्यक्ष कमल ढकालले हरेक मान्छेलाई किताबमा बदल्ने अभियानको पछिल्लो कडिको रुपमा भूमिका श्रेष्ठको आत्मकथा आएको बताउनुभयाे । नीलहिरा समाजको अध्यक्ष पिंकी गुरुंगले नेपालमा आफुहरुलाई अझै अपहेलित र तल्लो दर्जाको रुपमा हेरिएकोमा रोष ब्यक्त गर्दै यो किताबका माध्यमबाट त्यो कुरा चिरिने बताउनुभयाे ।

कार्यक्रममा समिक्षात्मक टिप्पणी राख्दै साहित्यकार तथा पत्रकार आश्विनी कोईरालाले पुस्तकले धर्मका कुरा देखि ल्याएर विकास र साहित्यमा जोडेकोमा खुशी ब्यक्त गर्दै पुस्तकको सफलताको शुुभकामना दिनुभयाे ।