‘गज्जब टिभी’को उत्पादनमा ‘टेन्शन फ्री’ नामक नयाँ वेब सिरिज सुरु भएको छ । समसायिक विषयलाई उठान गरि दर्शकहरुलाई पूर्ण मनोरञ्जन प्रदान गर्ने उद्धेश्यले वेब सिरिज सुरु गरिएको हो । सिरिजमा कलाकार विष्णु बुढाथोकी, सुबोध गौतम, प्रतिक्षा खतिवडा, सानु तामाङ, निरज रजौरे, नारायण नेपाल लगायको अभिनय छ । साथै वेब सिरिजको पहिलो एपिसोडमा नायिका स्वेता खड्काको अतिथि भूमिका रहेको छ । उनले फागुन ४ गते रिलिज हुँदै गरेको फिल्म ‘कान्छी’का लागि ‘टेन्सन फ्री’मा प्रमोशनल रुपले छोटो अभिनय गरेकी हुन् ।
सन्देश लामिछानेले निर्देशन गरेको सिरिजको छायांकन दिलिप बिष्टले गरेका छन् । ‘टेन्शन फ्री’ अब हरेक साताको शुक्रबार गज्जब टिभी मार्फत प्रशारण हुनेछ । तनावमा रहेका ब्यक्तिहरुलाई तनावमुक्त गराउने प्रयास हामीले यो सिरिज मार्फत गरेका छौँ । कलाकार विष्णु बुढाथोकीले भने–”दर्शकहरुको प्रतिक्रिया तथा सुझावको आधारमा हामी अगाडि बढ्नेछौँ।”
