काठमाडौं – लामो समयदेखि विभिन्न चर्चित गीतमा सँगै अभिनय गरेका बिमल अधिकारी र सारिका के.सीले अभिनय गरेको हार्दिक श्रद्धाञ्जली बोलको गीत बजारमा आएको छ । हिजो मात्र बजारमा आएको यस गीतको चर्चा भने यसअघिनै सामाजिक सञ्जाल फेसबुकमा भएको थियो ।
सुटिगको बेला फेसबुकमा बिमल र सारिकाले एकअर्कालाई हार्दिक श्रद्धाञ्जली लेखेको देखाउनुपर्ने भएकाले उनीहरुले एकैछिन फेसबुकको वालमा राखेको पोष्टलाई लिएर निकैनै टिकाटिप्पणी भएको थियो ।
कतिले म्युजिक भिडियोमा गरिएको कुरालाई लिएर अनावश्यक बहस गर्न नहुने भएका थिए त कतिले चर्चामा आउनकै लागि कलाकारले यस्तो गरेको भन्दै खुबै आलोचना पनि गरेका थिए । रुक्मणी रिजालको गीत हार्दिक श्रद्धाञ्जली बोलको गीत मालती डिजिटल प्रा.लीले बजारमा ल्याएको छ ।
गीतमा रुक्मणी रिजाल र नेत्र भण्डारीले आवाज दिनुभएको छ । भने शब्द सन्ध्या के.सीको छ । गीतमा संगीत भर्ने काम भने संगितकार रामु खड्काले गर्नुभएको छ । सरेश श्रेष्ठको छायांकन रहेको गीतको सम्पादन अमर शाक्यले गर्नुभएको छ । निर्देशन भने कपिल लामाको रहेको छ ।
