काठमाडौं – महानगरीय प्रहरी अपराध महाशाखा टेकुले एक हजार र पाँच सय दरका प्रतिबन्धित भारतीय रुपैयाँ सहित दुई जनालाई पक्राउ गरेको छ । काठमाडौं महानगरपालिका १५ अन्नपूर्ण चोक क्षेत्रमा अवैध भारु बोकेर हिँडिरहेका बाँकेका कृष्णकुमारी शर्मा र गोरखाका अर्जुन भण्डारीलाई हिजो पक्राउ गरिएको हो ।
महानगरीय प्रहरी अपराध महाशाखा टेकुले आज पत्रकार सम्मेलन गर्दै उनीहरुलाई सार्वजनिक गरेको हो । उनीहरुको साथबाट अवैध भारु ६८ लाख २० हजार रुपैयाँ बरामद गरेको महाशाखाले जनाएको छ ।
सर्वसाधारणलाई ठगी गर्ने उद्देश्यले हिडिरहेको सूचनाका आधारमा उनीहरुलाई पक्राउ गरिएको प्रहरीले जनाएको छ ।
