युगान्डामा एक नेपालीको हत्या, शव नेपाल ल्याउने तयारी

काठमाडौं – वैदेसिक रोजगारीका लागि अफ्रिकी मुलुक युगान्डा पुगेका एक नेपालीको हत्या भएको छ । युगान्डाका एक चिनी कारखानामा सुपरभाइजरको रुपमा कार्यरत भोजपुर सलमा नौ केउरेनीपानीका पोष्ट बहादुर बुढाथोकीको हत्या भएको हो ।

कामदारको आक्रमणबाट पोष्टबहादुरको हत्या भएको गैरआवसीय संघ युगान्डाका अध्यक्ष रमेश कँडेलेले बताउनुभयो । चोरी आरोपमा पक्राउ एक कामदारले बुढथोकीमाथि सांघातिक आक्रमण गरेका थिए ।

बुढाथोकीको शव नेपाल पठाउने आवश्यक व्यवस्थाका लागि इजिप्टस्थित नेपाली दूतावाससँग सम्पर्कमा रहेको कँडेलेले बताउनुभयो ।