दूध बोक्ने ट्याङ्करको ठक्करबाट आमाको मृत्यु, छोरी गम्भीर

रत्ननगर – पश्चिम चितवनको शुक्रनगरस्थित शान्तिचोकमा दूध बोक्ने ट्याङ्करको ठक्करबाट एक महिलाको मृत्यु भएको छ । आज १ः१५ बजेको समयमा भएको दुर्घटनामा परी नारायणी नगरपालिका–६ की ४७ वर्षीया प्रेमकुमारी पोखरेलको ज्यान गएको चितवनका प्रहरी उपरीक्षक वसन्त कुँवरले जानकारी दिनुभयो ।

नारायणी नगरपालिका–३ स्थित शान्तिचोकमा सो दुर्घटना भएको हो । ग्रामीण सडकअन्तर्गत पूर्वबाट पश्चिम जाँदै गरेको ना४ख ३५१९ नंको दूध बोक्ने ट्याङ्करले विपरीत दिशातर्फ आउँदै गरेको ना४प १५२५ नंको स्कुटरलाई ठक्कर दिँदा सो दुर्घटना भएको हो ।