डोटी – नेपाली सेनाको सुदूरपश्चिम पृतनामा गरुडदल गणमा हतियार हराएको छ । गरुढदल गणको टुकडीको सट्मेसिन गन (एसएमजी) थान एक र त्यसको लोडेड दुई वटा म्यागजिन हराएको हो ।
गणमा हतियार हराएपछि सेनामा खैलाबैला मच्चिएको छ । डडेल्लधुराको दहमा रहेको गण सह सेनानी (क्याप्टेन) को कमाण्डमा रहेको थियो । हतियार र गोली हराएपछि पृतनामा आन्तरिक छानबिन भइरहेको छ ।
त्यस्तै, सेनाको टोलीले शनिबारदेखि डडेल्धुरा, बैतडी तथा डोटी जिल्लाका राजमार्गमा सवारी साधन चेकजाँच सुरु गरिएको छ । सेनाका प्रवक्ता ताराबहादुर कार्कीले हतियार हराएको बारे अनुसन्धान सुरु भएको जानकारी दिनुभयो ।
उहाँले भन्नुभयो, ‘हतियार मिसप्लेस भएको नी हुन सक्छ अनुसन्धान र छानिबिन भइरहेको छ । हामी अनुसन्धानमा छौ ।’ अनुसन्धानका क्रममा सैनिक अधिकारीसँग व्यक्तिगत रुपमा सोधपुछ भइरहेको स्रोतको भनाई छ ।
