धादिङ – धादिङको गजुरीमा ट्रक र तरकारी बोक्ने गाडी ठक्कर खाँदा दुई जनाको ज्यान गएको छ । गजुरी फुर्केखोलामा ना ३ च ६२०९ नम्बरको तरकारी बोक्ने गाडी र ना ५ ख ९२०६ नम्बरको ट्रक ठोक्किँदा सप्तरी छोचनपुरका मणिप्रसाद गुप्ता र चितवन खैरेनीका साजेश चौधरीको ज्यान गएको प्रहरीले जनाएको छ ।
दुर्घटनामा घाइते भएका तरकारी बोक्ने गाडीका चालक चितवन चैनपुरका विवेक रावलको भने काठमाडौंमा उपचार भैरहेको छ ।
