काठमाडौं – मलेसियाको एक होस्टलमा नेपालीको हत्या भएको छ । जोहोरवारुको पासिर गुडाङ आयरविरुमा रहेको एक कम्पनीको होस्टलमा सुनसरीको इटहरीका नगेन्द्र चौधरीको शुक्रबार दिउँसो हत्या भएको हो ।
दुई वर्ष पहिले मलेसिया गएका चौधरीलाई दुई जना हतियारधारीले लुटपाट पछि तीन तलामाथीबाट फालेको सोही कम्पनीमा कार्यरत भोजपुरका प्रकाश बस्नेतले जानकारी दिनुभयो । कोठामा चौधरी एक्लै भएको समयमा लुटेराले हत्या गरेका हुन् । उनीसँगै ६ जना बस्ने भएपनि ५ जनाको दिउँसो डियुटि परेकाले चौधरी रातिको डियुटि सकेर कोठा फर्किएका थिए ।
उनीहरु बस्ने कोठाको ढोका समेत तोडफोड गरिएको छ । चौधरीको शव प्रहरीले लगेको छ । होस्टल भित्रै भएको घटना पछि त्यहाँ रहेका नेपाली त्रसित भएका छन् ।
