काठमाडौँ – वर्षा नै नभई भोटेकोसीमा मंगलबार राति अचानक बाढी आएपछि तिव्वततर्फ ठूलो वर्ष भएर पहिरो गएको तथा हिमताल विस्फोट भएको हुनसम्ने अनुमान विज्ञहरुले गरेका छन् ।
तिव्वतमा ठुलो वर्षासँगै पहिरो थुनिएर बाढी आएको अनुमान पनि केही विज्ञको छ । हिमताल फुटेर वा डेब्रिज (गेगर, रुखबिरुवा, ढुङ्गा, लेदो) सहित ठुलो पहिरो आएका कारण अकस्मात बाढी आएको हुनसक्ने उनीहरूको अनुमान रहेको आजको अन्नपूर्णमा पोस्ट दैनिकमा खबर छ ।
चीनतिरका १० हिमताल विस्फोटको जोखिममा रहेको यसअघिको अध्ययनलाई आधारमान्दा पनि चीनमा हिमताल फुटेको अनुमान गरिएको हो । १० मध्ये ६ वटा जतिबेला पनि विस्फोट हुन सक्ने अवस्थामा रहेको एक अध्ययनले देखाएको थियो ।
नेपालमा आफ्नै भू उपग्रह नभएका कारण सरकारी अधिकारीहरुले बाढीका काराण खोज्न भारत, चीन र जापानको सहयोग लिइरहेका छन् । उनीहरूले उपलब्ध गराउने तस्बिरका आधारमा मात्र बाढीको कारण पत्ता लाग्ने बाढीविद् विनोद पराजुलीले बताउनुभयो ।
