काठमाडौँ – प्रधानमन्त्री केपी शर्मा ओलीले काँग्रेस महामन्त्री शशांक कोइरालाको स्वास्थ्य स्थितिबारे जानकारी लिनुभएको छ ।
अचानक स्वास्थ्यमा समस्या देखिएपछि ओम अस्पतालको आइसीयूमा उपचार गराइरहनुभएका कोइरालाको स्वास्थ्यस्थितिबारे अस्पताल पुगेर जानकारी लिनुभएको हो । अस्पताल पुगेका प्रधानमन्त्री ओलीले काँग्रेस सभापति शेरबहादुर देउवा, वरिष्ठ नेता रामचन्द्र पौडेल लगायतसँग कोइरालाको स्वास्थ्य अवस्थाका बारेमा बुझ्नुभएको थियो ।
एक्कासि वान्ता भएपछि कोइरालालाई चाबहिलस्थित ओम अस्पतालमा भर्ना गरिएको हो । अस्पताल भर्ना भएपछि पनि बिहान ४ बजेतिर फेरि वान्ता भएपछि उहाँलाई आइसीयूमा राखेर उपचार गरिएको छ ।
